Ir al contenido principal

A Trindade 2010

UNHA MAN QUE TOCA E QUENTA O CORAZÓN


 

Pórtico


 

Que mágoa ver tantos e tantos cristiáns que lle teñen medo a Deus!. Para moitas persoas, está inseparable e exclusivamente unido á lei que hai que cumprir ("non sexa que nos castigue"), á moral que El ditamina ao seu antollo ("así o quere Deus"); aos nosos méritos ou deméritos ("dará a cadaquén o seu merecido")... de xeito que, para moitos crentes, Deus é ante todo e sobre todo, xuíz rigoroso, recto, temible, que sempre nos vixía, que non deixa pasar a mínima... Que mágoa, porque ese Deus non existe, é froito do seu maxín!.

O noso Deus é amor; e o amor non xulga, non rexeita, non separa... Non veu para atemorizarnos, senón para proclamar un evanxeo de confianza. Para que a confianza no seu amor sexa coma o sangue das veas. Respectando a nosa liberdade, Deus non pode máis que amarnos desesperadamente, como unha chamada a vivir no amor, a cambiar o que está mal na nosa vida.

A festa da Trindade que hoxe celebramos quere ser unha chamada de atención para que saibamos agradecer este amor a Deus Pai, manifestado no seu Fillo e que, a través do Espírito, quere ser o motor da nosa vida.


 

Perdón


 

  • Porque non somos causa de unión, senón que pola contra, só buscamos o noso interese e o noso proveito, dividindo e creando rancores, SEÑOR, QUE SEXAMOS CANLES DO TEU AMOR.
  • Porque o noso amor está moi lonxe do que significa gratitude, doazón, perdón, CRISTO, QUE SEXAMOS CANLES DO TEU AMOR.
  • Porque preferimos permanecer sentados e que os problemas e preocupacións dos demais non nos inflúan e pasen de longo, SEÑOR, QUE SEXAMOS CANLES DO TEU AMOR.


 


 

Remuíño


 

  • Poderiamos resumir este día, da Trindade, nesta frase: "unha man que toca e quenta o corazón".


 

  • UNHA MAN: O Pai é coma unha man que nos vai guiando e acompañando. Sinalándonos o camiño, si; pero deixándonos a liberdade para ser quen de seguilo ou non. Unha man que é linguaxe, que é palabra de alento, que regala, que acolle e non castiga. Que lonxe estamos moitas veces os cristiáns deste xeito de actuar e de entender a relación que temos con Deus Pai!. Pensamos que é un mago e que se lle tocamos certas teclas, actúa, pero (mira que ben!), sempre ao noso favor e nunca corrixindo nin dicíndonos o equivocados que estamos. Outras veces pensamos que está pendente do que facemos mal para castigarnos e castigar aos que están ao noso carón e... se el non o fai, xa estamos nós para levar a cabo o seu castigo. Porén, El é amor e téndenos unha man para sexamos os seus colaboradores na obra da creación, pero colaboradores responsables e respectuosos coas persoas e co medio ambiente.


 

  • QUE TOCA: É o toque da man de Deus, de Xesús. Un toque que anima, cura e transforma. Un toque que é palabra, predileción polos pequenos. Nós somos esa man que sanda tantas situacións, unha prolongación que une a Xesús coas demais persoas, ao mesmo tempo que denuncia inxustizas e ten morriña de privilexios perdidos, nin de xeitos de pensar que se impoñen ou que sinalan co dedo a tantas persoas ,nomeándoas culpables e sumíndoas na indiferenza ou no desprezo. Preparemos o corazón para deixarnos tocar por Xesús, quitemos de nós prexuízos, ideas preconcibidas e abrámonos á novidade que el nos trae.


 

  • E QUENTA O CORAZÓN: Xesús tócanos para transmitirnos o seu amor, o amor do Pai, o Espírito Santo. Un amor que é capaz de romper o xeo e de transformar á persoa, dándolle vida. Este é un amor que provoca unión, a unión a que os cristiáns estamos chamados a vivir nas nosas comunidades e no mundo, nas nosas familias e nos pobos, non coma unha palabra baleira, senón coma un xeito de vida.


 

  • A festa da Trindade é unha aposta pola liberdade e a comuñón, pola unidade na pluralidade, que enriquece e dá perspectivas novas. Fagamos da nosa igrexa un fogar de comuñón e contaxiemos ao mundo. Que esta festa sexa para nós un motivo de alegría.


 

Oración da comunidade


 

Movidos polo Espírito diriximos a nosa oración ao Pai por medio do noso irmán Xesús. E dicimos confiados:


 

QUE A TÚA MAN, SEÑOR, TOQUE O NOSO CORAZÓN


 

  • Pola Igrexa, para que sexa canle de unión, de fraternidade, de reconciliación e acollida como xesto da cercanía e do amor de Deus ás persoas, OREMOS.


 

QUE A TÚA MAN, SEÑOR, TOQUE O NOSO CORAZÓN


 

  • Polas nosas comunidades, para que teñan os ollos ben abertos e o corazón disposto para descubrir e acoller a tódalas persoas, especialmente a aquelas que buscan e non atopan un sentido no seu camiñar, OREMOS.


 

QUE A TÚA MAN, SEÑOR, TOQUE O NOSO CORAZÓN


 

  • Hoxe, no día en que nos lembramos das comunidades de vida contemplativa, pedimos por todas as persoas que adican a súa vida a rezar polos demais dende o silencio e o traballo. Para que sigan sendo presenza viva da Igrexa, OREMOS.


 

QUE A TÚA MAN, SEÑOR, TOQUE O NOSO CORAZÓN


 

  • Por tod@s nós, que sentimos o toque de Deus nas nosas vidas, para que non teñamos medo a ser as súas canles e así poñamos vida en tantas situacións de morte: paro, enfermidade, soidade,… OREMOS.


 

QUE A TÚA MAN, SEÑOR, TOQUE O NOSO CORAZÓN


 

Grazas, Señor, porque o teu amor chega a nos con toda a súa forza. Oxalá sexamos sempre fieis testemuñas no medio do noso mundo. PXNS.


 

Para a reflexión


 

ABRAZO TRINITARIO


 

Estréitasnos contra o teu seo,

cóbresnos coa túa man,

e asolágasnos por dentro.


 

Es ti o que fai posible a experiencia

e disnos: "Se soubésedes canto vos quero…"


 

Aperta trinitaria, que une, envolve e inunda.

Aperta trinitaria que nin agobia nin afoga.

Aperta trinitaria, delicada, suave e doce.


 

Que saibamos saborear esa aperta.

Que saibamos estar nesa aperta.

Que saibamos sorprendernos e agradecela.

Que saibamos multiplicar esta aperta.


 

Cantos


 

  • ENTRADA: Temos unha festa
  • LECTURAS: Escoita ti
  • OFERTORIO: Na nosa terra.

COMUÑÓN: Ti es o pan do ceo

Comentarios

Entradas populares de este blog

Domund 2023

Corazóns aquecidos, Pés no camiño Cantos Lecturas.-  Misioneiro serás  ( 115 ) Entrada.-  Como che cantarei  (8 ) Ofertorio.-  Recibe, Señor  ( 31 )  Comuñón.-   Acharte presente  ( 51 ) Mirada agradecida             A Xornada Mundial das Misións, que en España chamamos DOMUND, é o día no que a Igrexa reza dun xeito moi especial pola evanxelización no mundo e lémbranos que todas e todos estamos chamados a participar activamente na misión.        Oración e axuda solidaria forman unha unión inseparable, porque como crentes non podemos rezar sen comprometernos solidariamente coas nosas accións, pero tampouco podemos facer accións solidarias se non as facemos xurdir da oración persoal e comunitaria.        Neste día, e do mellor das maneiras, a Igrexa mostra a súa universalidade sen fronteiras para tender a man e poñer o corazón, desde a mirada de Deus, en tódalas persoas que, dun cabo ao outro do mundo, o precisen. Palabra de misericordia ·        Porque son moitas as veces nas que nos fa

2 Pascua 2023

A paz é  camiño  de  e speranza e resurrección   ( Pódese, ad libitum, facer a aspersión no momento penitencial) Cantos •  Entrada.-  Que ledicia miña ( Nº 4 ) •  Lecturas.-   Canta   Aleluia ( Nº 21 ) •  Ofertorio.-  Recibe Señor ( Nº 31 ) •  Comuñón.-  Gracias, Señor, graciñas ( Nº 50 )   Mirada agradecida   ​ O tempo de Pascua é tempo de testemuño e esperanza compartida. O primeiro, o testemuño, vano dando os seguidores e seguidoras de Xesús a medida que van vencendo os seus medos e comezan a saír e  compartir  coa veciñanza que Cristo vive; que a súa vida foi semente de vida nova e alegría que precisaban anunciar. E é  esperanza  porque esa alegría é froito da presenza, sempre alentadora, de Xesús na súa  cotidianeidade. Xesús non é o ausente ao que se lle recorda, ao contrario, é presenza viva que fai reactivar a aqueles e aquelas que o coñeceron e acompañaron . Deste xeito pouco a pouco  foron  vencendo medos e dúbidas; deste xeito, tamén nós recibimos tamén a invitación de ser h

Vixilia Pascual 2023

       1      5)     LITURXIA DA EUCARISTÍA  ð   OFERTORIO  ð   SANTO  ð   NOSO PAI  ð   PAZ  ð   COMUÑÓN  ð   MIRADA ESPERANZADA   ð   DESPEDIDA  ð     6)     CANTO GOZOSO •         Ao prender o lume : A Cristo cantamos (Nº 110)  •         Na procesión cara o templo : Amigos nas penas  •         Lecturas  o   1º Ergo os meus ollos cara aos montes (Nº 112)   o   2º Pai, Pai, póñome nas túas mans  o   3º As túas Palabras, Señor, son espírito e vida  o 4º Benaventurados (Nº 119)  o   Canta Aleluia (Nº 21)  •         Aspersión:  A auga do Señor (Nº 124) •         Ofertorio : Sementar, sementarei  •         Santo:  Santo es ti (Nº 39)  •         Noso Pai : No camiño do amor (Nº 43)  •         Comuñón : Grazas, Señor, graciñas (Nº 50)   •         Canto final á Virxe:  Boas noites (Nº 70)      P ORQUE A MORTE FOI VENCIDA ,  FAGAMOS QUE  AS BÁGOAS SE CONVERTAN EN SORRISOS   LUME DE QUENTURA E LUZ   Ao redor do lume, que nos ofrece luz e quentura, xuntámonos no nome do Señor para comezar a cel