Ir al contenido principal

Domingo 11 TO 2008

Porque recibimos de balde,

que saibamos dar de balde

Pórtico

Tamén hoxe, como fixo cos seus apóstolos, Xesús segue chamando. Esa chamada é a cada un e cada unha de nós; e como ocorría naquel momento, correspóndenos responder non só coa palabra, senón cos feitos. A misión é anunciar a Boa nova do Reino, o que supón estar cerca das doenzas e dificultades das nosas xentes para poñer mans e corazón na tarefa de ilas curando.

Que a celebración de hoxe nos faga sensibles á necesaria dispoñibilidade que debemos ter para que o anuncio do Reino se vaia convertendo en actitudes e accións.

Perdón

  • Porque en demasiadas ocasións da nosa vida as nosas inseguridades, os nosos medos, as presións do noso contorno…fan que non sexamos fieis e coherentes coas nosas convicións, SEÑOR, QUE VIVAMOS NA GRATUIDADE.
  • Cristo, que nos esforcemos por deixar atrás a tentación do egoísmo e a comenencia na relación cos irmáns, CRISTO, QUE VIVAMOS NA GRATUIDADE.
  • Porque non somos capaces de experimentar en nós a túa xenerosidade gratuíta, solidaria e misericordiosa, SEÑOR, QUE VIVAMOS NA GRATUIDADE.

Remuíño

ð Moitos cristiáns pensan estar vivindo a súa fe con responsabilidade porque se preocupan de cumprir determinadas prácticas relixiosas e tratan de axustar o seu comportamento a unhas normas morais e a unhas leis eclesiásticas.

Do mesmo xeito, moitas comunidades pensan estar cumprindo fielmente a súa misión porque se afanan en ofrecer diversos servizos de catequese e por celebrar dignamente o culto.

Pero, é isto o que Xesús quería poñer de manifesto ao enviar aos seus discípulos polo mundo?, é esta a vida que quería infundir no medio das persoas?.

Cómpre escoitar de novo as palabras de Xesús para redescubrir a verdadeira misión dos crentes na sociedade. Así, a nosa primeira tarefa tamén hoxe é proclamar que Deus está preto das persoas, empeñado en salvalas e facelas felices. Pero este anuncio dun Deus salvador non se fai por medio de discursos e palabras suxestivas, non se proclama pola radio nin se difunde por televisión, non se asegura só con catequeses nin clases de relixión.

Só hai un xeito de proclamar a Deus: traballar de balde por infundir ás persoas unha nova vida:

Ø Curar enfermos, liberando ás persoas de todo aquilo que as fai sufrir, sandando a quen se sente destruído pola dor ou anguriado pola dureza da vida.

Ø Resucitar mortos, liberar ás persoas de todo aquilo que mata a súa esperanza. Esperta de novo á vida, á confianza, á vontade de loita.

Ø Limpar gafos, limpar a nosa sociedade de mentiras, hipocrisías e convencionalismos, vivindo con verdade, sinxeleza e honradez.

Ø Liberar ás persoas de ídolos que escravizan, posúen e perverten a nosa convivencia.

  • Son moitos os textos nos que Deus chama: Abrahám, Moisés, Xeremías... a Alianza é a expresión deste saír de Deus ao noso encontro. Acollelo supón que estamos dispostos non a converter a Deus no recurso fácil e manipulable aos nosos intereses, senón estar dispost@s a levalo á vida. O traballo é moito, ninguén sobra e tod@s somos necesarios. Se El o fixo de balde, tamén nós así temos que facelo, o que leva a cuestionar tantos comportamentos dos que se non hai cartos, prebendas ou beneficios polo medio, non só non se converten en anunciadores do Reino, senón que se negan a realizar a misión para a que foron chamados! Non esquezamos nunca, tod@s, pero especialmente: curas, bispos, papa... que o que temos recibido de balde, de balde temos que dalo.
  • Velaquí a fermosa tarefa para a que Xesús nos require: liberar ás persoas para anunciar a Deus. Porque para Deus somos alguén, desde esa confianza, desde o sentírmonos queridos e recoñecidos por El, anunciámolo co noso actuar. Comecemos.

Oración Da comunidade

Invitados hoxe a descubrir a importancia da fe na gratuidade da nosa vida, poñémonos nas mans de Deus para que nos dea folgos que nos leven a afastarnos de caer na tentación de facer da fe un supermercado de grande rendibilidade económica. Oramos dicindo:

QUE APRENDAMOS A VIVIR A FE NA GRATUIDADE

1. A anada é moita; pero os traballadores son poucos. Para que a Igrexa en todos os seus membros: papa, bispos, curas e segrares se afaste da tentación de converter a fe nunha cuestión mercantil, esquecendo que o amor e a entrega aos demais son os que nos achegan a Deus, OREMOS.

QUE APRENDAMOS A VIVIR A FE NA GRATUIDADE

2. E xa que de balde recibistes, dade de balde tamén. Para que nas nosas comunidades non confundamos a mensaxe do Reino con comportamentos pouco fieis e contrarios ao que é a gratuidade, axuda, colaboración e participación activa, OREMOS.

QUE APRENDAMOS A VIVIR A FE NA GRATUIDADE

3. Servide ao Señor con alegría. Por tod@s @s que estamos aquí xunt@s, para que vivamos na ledicia, na fidelidade e na entrega, respondendo xenerosamente á túa chamada, OREMOS.

QUE APRENDAMOS A VIVIR A FE NA GRATUIDADE

Grazas por descubrirnos o teu rostro humano, alegre e que busca canto axuda a tod@s e non o que beneficia só a uns poucos elixidos.P.X.N.S.Amén.

Reflexión

Facede discípulos, non mestres;

facede persoas, non escravos;

facede camiñantes, non xente asentada;

facede servidores, non xefes.

Facede irmáns.

Facede crentes, non xente crida;

facede buscadores da verdade, non amos de certezas;

facede creadores, non imitadores;

facede cidadáns, non estranxeiros:

Facede irmáns.

Facede persoas de encontro,

con entrañas e tenrura,

con promesas e esperanzas,

con presenza e paciencia,

con misión e envío.

Facede irmáns.

Facede discípulos meus;

dádelle todo o que eu vos din;

descargade as vosas costas e sentídevos irmáns.

Ulibarri, F.

Cantos

Entrada: Todos xuntos/Vinde axiña

Lecturas: Escoita ao Señor

Ofertorio: Grazas, Señor, graciñas

Comuñón: Acharte presente na vida

Comentarios

Entradas populares de este blog

Domund 2023

Corazóns aquecidos, Pés no camiño Cantos Lecturas.-  Misioneiro serás  ( 115 ) Entrada.-  Como che cantarei  (8 ) Ofertorio.-  Recibe, Señor  ( 31 )  Comuñón.-   Acharte presente  ( 51 ) Mirada agradecida             A Xornada Mundial das Misións, que en España chamamos DOMUND, é o día no que a Igrexa reza dun xeito moi especial pola evanxelización no mundo e lémbranos que todas e todos estamos chamados a participar activamente na misión.        Oración e axuda solidaria forman unha unión inseparable, porque como crentes non podemos rezar sen comprometernos solidariamente coas nosas accións, pero tampouco podemos facer accións solidarias se non as facemos xurdir da oración persoal e comunitaria.        Neste día, e do mellor das maneiras, a Igrexa mostra a súa universalidade sen fronteiras para tender a man e poñer o corazón, desde a mirada de Deus, en tódalas persoas que, dun cabo ao outro do mundo, o precisen. Palabra de misericordia ·        Porque son moitas as veces nas que nos fa

2 Pascua 2023

A paz é  camiño  de  e speranza e resurrección   ( Pódese, ad libitum, facer a aspersión no momento penitencial) Cantos •  Entrada.-  Que ledicia miña ( Nº 4 ) •  Lecturas.-   Canta   Aleluia ( Nº 21 ) •  Ofertorio.-  Recibe Señor ( Nº 31 ) •  Comuñón.-  Gracias, Señor, graciñas ( Nº 50 )   Mirada agradecida   ​ O tempo de Pascua é tempo de testemuño e esperanza compartida. O primeiro, o testemuño, vano dando os seguidores e seguidoras de Xesús a medida que van vencendo os seus medos e comezan a saír e  compartir  coa veciñanza que Cristo vive; que a súa vida foi semente de vida nova e alegría que precisaban anunciar. E é  esperanza  porque esa alegría é froito da presenza, sempre alentadora, de Xesús na súa  cotidianeidade. Xesús non é o ausente ao que se lle recorda, ao contrario, é presenza viva que fai reactivar a aqueles e aquelas que o coñeceron e acompañaron . Deste xeito pouco a pouco  foron  vencendo medos e dúbidas; deste xeito, tamén nós recibimos tamén a invitación de ser h

Vixilia Pascual 2023

       1      5)     LITURXIA DA EUCARISTÍA  ð   OFERTORIO  ð   SANTO  ð   NOSO PAI  ð   PAZ  ð   COMUÑÓN  ð   MIRADA ESPERANZADA   ð   DESPEDIDA  ð     6)     CANTO GOZOSO •         Ao prender o lume : A Cristo cantamos (Nº 110)  •         Na procesión cara o templo : Amigos nas penas  •         Lecturas  o   1º Ergo os meus ollos cara aos montes (Nº 112)   o   2º Pai, Pai, póñome nas túas mans  o   3º As túas Palabras, Señor, son espírito e vida  o 4º Benaventurados (Nº 119)  o   Canta Aleluia (Nº 21)  •         Aspersión:  A auga do Señor (Nº 124) •         Ofertorio : Sementar, sementarei  •         Santo:  Santo es ti (Nº 39)  •         Noso Pai : No camiño do amor (Nº 43)  •         Comuñón : Grazas, Señor, graciñas (Nº 50)   •         Canto final á Virxe:  Boas noites (Nº 70)      P ORQUE A MORTE FOI VENCIDA ,  FAGAMOS QUE  AS BÁGOAS SE CONVERTAN EN SORRISOS   LUME DE QUENTURA E LUZ   Ao redor do lume, que nos ofrece luz e quentura, xuntámonos no nome do Señor para comezar a cel